احلى صحبة

لتكوين احلى صحبة
 
البوابةالبوابة  الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  المجموعاتالمجموعات  التسجيلالتسجيل  دخولدخول  

شاطر | 
 

 وزارة الصيع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاصم المصرى
مشرف كلام فى الحب
مشرف كلام فى الحب
avatar

ذكر
عدد الرسائل : 624
العمر : 29
العمل : طالب عروسة
المزاج : مزاج حشيش
الاوسمة :
تاريخ التسجيل : 19/05/2008

مُساهمةموضوع: وزارة الصيع   الأحد يونيو 15, 2008 3:30 am

البلد دى معدتش محتاجه سياسيين ولا علماء .. البلد دى محتاجه صيع المقوله دى أنتشرت أوى فى الشارع المصرى , و طبعاً زى ما كلنا عارفين أن صيع دى جمع صايع
و كلمه صايع على ما اعتقد هى تحريف لكلمه ضايع
و كلمه ضايع هى تحريف لكلمه ضائع
مفيش حاجه بتبقى على حالها .. زى ما كلنا شايفين
و من هذا المزنق .. قرر رئيس الجمهوريه انه يقوم بتغيير وزارى شامل كامل
كل الوزراء من الصيع .. و نزل الرئيس بذات نفسه شبرا و الضرب الاحمر و الدويقه و الكيلو اربعه و نص , عشان ينقى الحاشيه و الوزراء
و شعار المرحله الجايه دى هتبقى : الرجول أدب مش هز كتاف بدل الشعار العظيم الرهيب الغريب : العبور للمسقبل
و البرنامج المهم المفيد السديد البيت بيتك ألى غير أسمه عشان يواكب المرحله الجايه و بقى الغرزه غرزتك
البرنامج أستضاف الوزراء
تعالوا نشوف كل وزير رأيه ايه


وزير الحربيه : المشير سيد بشله

المذيعه : ايه هى رؤيتك لمستقبل الجيش المصرى؟
سيد بشله : بصى ياستى انا شايف ان الجيش محتاج تغيرات كتير .. تصورى حضرتك أن العسكرى من دول مبيعرفيش يفتح مطوه .. و العيال عندنا فى الحاره بيمسكوها احسن منه
المذيعه : أنت شايف ان المطوه فى عصرنا ده سلاح مفيد فى الحروب ؟
سيد بشله : حضرتك المطوه و السنج و الجنازير و الشوم و ميه النار و كل الحاجات دى بتجيب من الأخر فى أى خناقه .. و مفيش فرق بالنسبالى بين الخناقات و الحروب
المذيعه : و ايه التغييرات ألى سيادتكم دخلتوها فى الجيش منذ أستلامكم المنصب
سيد بشله : معلش مش واخد بالى
المذيعه : قصدى يعنى ايه الى انت عملته من ساعه ما بقيت وزير الدفاع
سيد بشله : بصى يا ست الكل .. انا غيرت اسم الوزاره من وزاره الدفاع لأسم وزاره الدفاع و البلطجه بمعنى ان احنا مش بس هندافع عن نفسيتنا احنا ممكن كمان نبلطج .. و غيرت ترتيب الجيش من جيش اول و تانى و تالت .. لجيش المناطق الشعبيه .. و جيش الفلاحين .. وجيش الصعايده
المذيعه : بمعنى ؟
سيد بشله : بمعنى ان جيش المناطق الشعبيه ده للبلطجه و ده مكون من زينه شباب شبرا و الدويقه و الضرب الاحمر و الكيلو اربعه و نص .. أما جيش الفلاحين ده للأمن الداخلى عشان بيعملوا اى حاجه من غير ما يقولوا ليه و أزاى .. و جيش الصعايده ده للدفاع عن البلد , يعنى ممكن نربطهم ببعض و نعمل بيهم سد على طول الحدود أو ممكن نمسكهم شوم و ألى يقرب ناحيتنا يطخوه على راسه , لسه الحقيقه مش عارف هعمل بيهم ايه
المذيعه : طب بالنسبه للشعار الى حضرتك حطيته للجيش ايه معناه ؟
سيد بشله : أأأأأأأأه .. قصدك شعار أوعى يغرك جسمك .. ده انا حاطه للدول ألى مستتخنه نفسها و عايز اقولهم أن أطخن طخين مش هيعرف يسلك معانا .. زى أسرائيل و أمريكا .. يعنى حضرتك احنا وصلنا لخمسه و سبعين مليون نسمه تقريباً .. يعنى لو دخلنا على اسرائيل و كل مواطن من دول لمؤخذه تف تفه أسرائيل كلها هتغرق

وزير العدل : المستشار زيزو النتن

المذيعه : ايه هيا مشروعات سيادتكم للمستقبل
زيزو النتن : احنا دلوقتى القواضى متقسمه لجنحه و جنايه .. هارشه؟
المذيعه : هارشه
زيزو النتن : هتفضل نفس ذات التقسيمه زى ما هيه .. بس بأختلاف العقوبات بقى .. يعنى مثلاً الجنح بتختلف حد أدنى اتنين غرزه مطوه و حد اقصى عشر غرز مطوه .. أما الجنايه تبقى حرق بميه النار يعنى لو سرقه نرش ميه النار على ايده .. و لو نصب نرشها على لسانه .. و لو اغتصاب بقى يبقى كلك نظر .. هارشه؟
المذيعه : هارشه .. و بعدين كمل
زيزو النتن : المهم بقى الستور بيقول ايه ؟
المذيعه : لا بعد أذنك انا مش فاهمه .. ايه الستور ده؟
زيزو النتن : هيع هيع هاع .. مش عارفه الستور؟؟
المذيعه : لا عرفاه بس ايه ألى دخل الستور بتاع الجزاره فى موضعنا
زيزو النتن : لالا جزاره ايه .. أنا أقصد الكتاب ألى بيتباع على الأرصفه ده ألى بيبقى مكتوب فيه قوانين و كلام من ده
المذيعه : أه .. حضرتك تقصد الدستور
زيزو النتن ( و هو مكسوف ) : ما أنا عارف ان اسمه الدستور .. بس أصل انا هغيره هخليه الستور عشان ألى يخالفه نقطع رقابته بالستور .. المهم بقى بيقولك أن الأسلام هو مصدر التشريعات الرئيسى و بتيجى مواد بتخالف الماده دى .. انا بقى بالأتفاق مع البوب الكبير هشيل المواد دى و هفرض ماده بتقول أن مزاج القاضى هو مصدر التشريعات الرئيسى .. و كل قاضى بقى و مزاجه و ذمته
المذيعه : طب الحمد لله أنك على الأقل سيبت شعار العدل زى ما هو
زيزو النتن : لا مين قال كده أنا ناوى ألغى الكلام الفاضى ألى بيقول العدل فوق الجميع و كده و أحط شعار أحلى من الشرف مفيش .. هارشه؟

وزير الخارجيه : مستر أشرف بقوو

المذيعه : أهلاً بسيادتكم .. أحب أعرف ايه أخبار علاقتنا بباقى الدول .. و السياسه المستقبليه
اشرف بقوو : صباح العسل يا عسل .. سيادتك النهارده زى القمر عليا النعمه .. يا أرض أحفظى ما عليكى
المذيعه : ميرسى كتير .. ممكن نرجع لموضعنا
اشرف بقوو : معلش بقى اصلى وزير الخارجيه فتلاقينى دايماً ببلوماسى مع الناس
المذيعه : طيب يا سياده الببلوماسى .. ايه أخبار علاقتنا بباقى الدول .. و السياسه المستقبليه
اشرف بقوو : زى الفل .. علاقه زى الفل .. أما مفيش دوله مش عاملينلها حساب .. و ماشيين جنب الحيط .. و لو أنضربنا على قفانا هنقول كمان .. و ده طبعاً تنفيذاً للسياسه الحكيمه بتاعت البوب الكبير
المذيعه : طب و حضرتك ناوى تفضل ماشى فى سياسه البوب الكبير ولا هتغير
اشرف بقوو : بوب كبير مين بس !! أنا الكبير .. أيون .. كبير أوى كمان
المذيعه : قصد سعادتك ايه بأنك الكبير
اشرف بقوو : قصدى أنى مليش كبير .. بس أن تأمر يا قمر
طاخ طاخ طاخ ترارارارارارارارارارا .. بووووووووووم
ششششششششششششششششششششششش
المذيعه : نأسف لقطع الأرسال بعض الوقت .. و أوعى حد يحسب ان ألى سمعه ده صوت طلقات ناريه أو أنفجرات أو حاجه .. لا لا لا .. ده مجرد عطل فنى
بووووووووووووووووووووم

وزير الثقافه و التربيه و التعليم و التعليم العالى : الدكتور حماده ابو العيون

المذيعه : ممكن أستفسر أزاى حضرتك ماسك تلت وزارات
ابو العيون : لا لا أبسلوتلى .. الناس فاكره أنى ماسك تلت وزارات حته واحده .. هو الموضوع و ما فيه أن رئيس الوزراء قال مهياش كتر وزارات ع الفاضى و ضم التلت وزارات فى وزاره واحده و بينى و بينك مهياش فارقه فى المرحله الجايه ألى بتعتمد على الصيع .. و قام ممسك الوزاره الشامله دى لواحد مثقف كيك زى حلاتى
المذيعه : طب و حضرتك هتقوم بأى تغييرات فى المناهج مثلاً أو فى نظم التعليم ؟
ابو العيون : طبعاً حضرتك لأن الفكر الليبارى الحر هو جزء من التوعيه الشامله المنظمه للنظام التوسعى فى بوتقه التنميه الشلولخيه
المذيعه : ايه؟
ابو العيون : لا دى ثقافه بقى .. المفروض يجيبوا مذيع فى حجم وزير الثقافه عشان يقدر يفهمه
المذيعه : معلش بقى .. طب يعنى حضرتك ناوى تعمل ايه فى منصبك الجديد؟
ابو العيون : طبعاً لأن قدوتى هو تسى ماو تونج قائد الثوره الشيوعيه الصينيه
المذيعه : لا لا لا .. المره دى أنا متأكده أن العيب مش منى
ابو العيون : بسم الله الرحمن الرحيم .. الأجابه هى تونس
وزير الداخليه : اللواء عبدو أذيه

المذيعه : أهلاً و مرحباً بسعادتك
عبدو أذيه : أهلاً يا ستى
المذيعه : ايه تعليق حضرتك على التعذيب فى الأقسام ؟ و حضرتك ناوى تتعامل أزاى لوضع حد للتعذيب
عبدو أذيه : تعذيب ايه ؟ مفيش اى تعذيب فى الأقسام .. أنا عايز دكر يقول غير كده
المذيعه : مفيش يا باشا .. مفيش .. طيب حضرتك ايه سياستك المستقبليه بعد تسلمك المنصب
عبدو أذيه : عملت قسم شرطه جديد فى المعادي و سميته قسم النبى حارسه و صاينه
المذيعه : جميل .. عظيم .. أنجاز رائع .. بس ممكن لو حضرتك معندكش مانع بس تقولنا عن سياستك المستقبليه مش أنجازاتك ألى حاشى لله أننا نكون بننكرها
عبدو أذيه : أنا جبت حرميه و بلطجيه البلد شغلتهم فى الشرطه .. و طلعت كل ظباط الشرطه معاش.. و حكمتى من كده أن البلد ميكونش فيها حراميه لأن كل الحراميه شغالين فى الشرطه .. و غيرت الرتب من ملازم و رائد و مقدم و الحوارات الفكسانه دى و خلتها .. صايع و ضايع و فاقد و منحرف .. منحرف دى توازى رتبه لواء القديمه
المذيعه : هايل هايل .. فكر عبقرى رهيب
عبدو أذيه : و طبعاً الشعار الجديد الشعب فى خدمه و مساحين جزم الشرطه .. و كانت زمان عربيات الشرطه أسمها عربيات أتارى فغيرتها لعربيات بلاى ستيشن عشان نواكب العصر .. و العربيات البوكس خليتها عربيات مرلبورو
المذيعه : رائع .. عشت زخراً لمصر
عبدو أذيه : ايه ؟ زخراً ؟ أنتى بتشتمينى يا روح امك .. خدوها على الحبس

وزير الأوقاف : الشيخ البعلصاوى

المذيعه : السلام عليكم و رحمه الله و بركاته .. يسرنى أن عدت لتقديم البرنامج بعد أنتهاء مده حبسى
البعلصاوى : و عليكم
المذيعه : ايه حكمه ان الوزاره دى متلغتش .. و أزاى وزاره زى دى يمسكها واحد من الصيع؟؟
البعلصاوى : نحن و لمؤخذه دايسيين فى كل شئ بفضل الله
المذيعه : طيب حضرتك ناوى تعمل ايه
البعلصاوى : سوف أقوم بديسكاونت هائل .. أنه أوكازيون الموسم .. من يريد فتوى تفصيل على مقاسه عليه بدفه مبلغ و قدره ديناراً جاهلياً واحداً .. أى ما يعادل خمسون ألف جنيهاً مصرياً
المذيعه : يعنى ايه حضرتك فتوى تفصيل
البعلصاوى : سوف أعطيكى مثالاً .. فثيابك فوق الركبه بقليل .. و تظهر سيقانك الجميله .. و حتى لا تشعرين بالندم أكتبى لى شيك الأن بخمسون ألف جنيهاً
المذيعه : أعتبرنى كتبتهولك
البعلصاوى : حسناً فلكى فتوى بأن الثياب فوق الركب حلالاً بشرط ان تكون فضفاضه
المذيعه : و ما معنى فضفاضه يا سيدنا ؟
البعلصاوى (و هو قايم يمشى) : السلام عليكم و رحمه الله .. سعدت بلقائك معى كثيراً


رئيس الوزراء : أستاذ عكاشه الأعور

المذيعه : أهلا وسهلاً برئيس الوزراء الصيع
عكاشه الأعور : صباح القشطه يا مزه
المذيعه : حضرتك مش بتواجهك أى صعوبه فى رئاسه كل الصيع دول
عكاشه الأعور : انا هنا الكل فى الكل بعد البوب الكبير طبعاً .. و تربيتى فى حوارى بولاق علمتنى أزاى أتحكم فى الصيع ولاد الكلب دول .. لأنى قبل ما أتولى منصبى كنت رئيس اطفال شوارع من ألى بيبيعوا الفل و المناديل فى أشارات المرور .. يعنى بعرف اتحكم فى الأشكال الضاله دى .. و ده سبب أختيار البوب الكبير ليا .. و أفتكر يوم ما جابنى من الزنزانه و قالى يا عكاشه يا ابنى البلد بقت محتاجه لصيع أنا بكلفك بتشكيل وزاره للصيع , ساعتها ضربت على قفايا و انا بقوله رقابتى سداد يا نجم
المذيعه : هايل .. طب و ايه خططك للمستقبل
عكاشه الأعور : بصى يا مودموزيل .. فكك بقى من الحكومه الأليكترونيه و شغل النصب ده .. أحنا الصيع .. يعنى لا سجن يلمنا ولا أتخلق ألى يقولنا بم .. من الأخر كده أحنا هنخلى البلد دى زى الفل .. و هنرفع من مستوى معيشه المواطن .. يعنى بدل ما يشم كوله تحت الكبرى هنوفرلهم الحشيش و بأسعار مهاوده عشان يشربوه .. و هنبنى كبارى كتير عشان نوزع التجماعات تحت الكبارى الحاليه و خصوصاً الضغط على كوبرى أكتوبر .. و طبعاً محدودى الدخل هما شغلنا الشاغل .. هنقبضهم أول بأول و أهو كله بثوابه يا مودام
المذيعه : أنا أنسه .. مش مدام
عكاشه الأعور : أموت أنا .. هيع هيع هيع


عدل سابقا من قبل عاصم المصرى في الأحد يونيو 15, 2008 3:22 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابوعلى
مدير المنتدى
مدير المنتدى
avatar

ذكر
عدد الرسائل : 1067
العمر : 28
الموقع : www.kfrawy.yoo7.com
العمل : طالب جامعى
المزاج : تمام والحمد لله
تاريخ التسجيل : 27/04/2008

مُساهمةموضوع: رد: وزارة الصيع   الأحد يونيو 15, 2008 8:56 am

ههههههههههههههههه
ايه ده يا عاصم
يعنى الخط صغير وكمان ديه عاوزه شهر علشان تقدر تكملها
قراءه يابنى استنطف شوية Laughing

_________________



@

مع تحيات@عميد الصعايدة@ابوعلى!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kfrawy.yoo7.com
عاصم المصرى
مشرف كلام فى الحب
مشرف كلام فى الحب
avatar

ذكر
عدد الرسائل : 624
العمر : 29
العمل : طالب عروسة
المزاج : مزاج حشيش
الاوسمة :
تاريخ التسجيل : 19/05/2008

مُساهمةموضوع: رد: وزارة الصيع   الأحد يونيو 15, 2008 3:23 pm

يعنى انت كمان مش قريت الموضوع وبتضحك اقرأ الاموضوع الاول وبعدين سيب ردك عليه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تامركابو
مشرف المنتدى
مشرف المنتدى
avatar

ذكر
عدد الرسائل : 239
العمر : 27
الموقع : www.tamerlovers.com
المزاج : رومنسي
الاوسمة :
تاريخ التسجيل : 04/05/2008

مُساهمةموضوع: رد: وزارة الصيع   الإثنين يونيو 16, 2008 5:47 pm

ياااااعم كبير اوووووووي صعب الواحد يقرائه وانا خلقي ديق

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.tamerlovers.com
عاصم المصرى
مشرف كلام فى الحب
مشرف كلام فى الحب
avatar

ذكر
عدد الرسائل : 624
العمر : 29
العمل : طالب عروسة
المزاج : مزاج حشيش
الاوسمة :
تاريخ التسجيل : 19/05/2008

مُساهمةموضوع: رد: وزارة الصيع   الإثنين يونيو 16, 2008 5:54 pm

خلاص يا عمن لو ضيق نوسعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وزارة الصيع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى صحبة :: المـــــنــــــتــــدى العـــــــــــــــــــــــــام :: امثال وكلام للشباب-
انتقل الى: